Памерла найстарэйшая жыхарка планеты, якая называла сакрэтам даўгалецця...

Жыхарка Ямайкі Вайлет Мос-Браўн, якая з'яўлялася найстарэйшым на Зямлі чалавекам, памерла ва ўзросце 117 гадоў, паведаміў 16 верасня прэм'ер-міністр астраўной дзяржавы Эндру Холнэс у сваім акаўнце ў Twitter. Мос-Браўн была прызнана найстарэйшым жыхаром планеты 15 красавіка 2017 года.

А нарадзілася яна 10 сакавіка 1900 года. 117-гадовая жыхарка Ямайкі казала, што сакрэтам яе даўгалецця з'яўляецца хрысціянская вера:

- Дзякуй Богу за тое, што Ён даў мне. Бог даў мне доўгае жыццё, таму я павінна прыняць яго. Маё служэнне Богу і цвёрдая вера ў вучэнне Бібліі - сакрэт майго даўгалецця.

Яна прызналася, што асабліва любіць словы Бога, запісаныя ў Старым Запавеце Бібліі: «Шануй бацьку твайго і маці тваю, каб падоўжыліся дні твае на зямлі».

Вайлет Мос-Браўн хрысцілі больш за 100 гадоў таму ў баптысцкай супольнасці:

- У царкве я займалася практычна ўсім. Я ўвесь свой час праводзіла ў доме Божым.

Па словах доўгажыхаркі, яна ела практычна ўсе, але адмаўлялася ад алкаголю:

- Я не ем свініну і кураціну, але я ем усё астатняе: зеляніну, бараніну, ялавічыну, рыбу.