Аляксандр Саладуха распавёў, што ён - католік
- Written by Katolik.life
- Published in Соцыум
- Add new comment
Яго таемна хрысцілі ноччу ў касцёле ў Нясвіжы.
Адзін з самых папулярных эстрадных выканаўцаў Беларусі Аляксандр Саладуха распавёў, што ён - католік. Пра гэта напісала ў сацсетцы карэспандэнт беларускага радыё Кацярына Каламійцава пасля інтэрв'ю з зоркай эстрады:
- Католік, верыць у «закон бумеранга» і даволі дзіўныя прыкметы, звязаныя з прадметамі адзення і іх месцазнаходжаннем. Упэўнены, што новае пакаленне палюбіць яго творчасць. Таму можаце ўжо пачынаць нараджаць дзяцей і ўключаць ім гэтыя вечныя хіты! - напісала карэспандэнт, прымацаваўшы запісы «Здравствуй, чужая, милая» і «Виноград».
Адзначым, што прыкметы з каталіцызмам і ў цэлым з хрысціянскай верай не маюць нічога агульнага. Забабоны - гэта наадварот прыкмета паганства, а не веры ў Жывога Бога.
Аляксандр Саладуха сапраўды быў ахрышчаны ў каталіцкай парафіі. У адным з сваіх даўніх інтэрв'ю ён узгадваў:
- Я чалавек веруючы, усё жыццё лічыў сябе праваслаўным. Але за паўтара гады да сыходу мамы з жыцця, знаходзячыся ў горадзе Глыбокім Віцебскай вобласці, высвятліў, што я - католік. Калі я нарадзіўся, за хрост дзіцяці можна было дорага паплаціцца, і нясвіжскі ксёндз хрысціў мяне таемна, ноччу.
Аляксандр Саладуха нарадзіўся ў 1959 годзе, калі ўлады СССР праводзілі палітыку ваяўнічага атэізму. Спявак браў шлюб са сваёй жонкай Наталляй ў праваслаўным храме - яго сужонка хрышчоная ў праваслаўі.
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу