Фота: БРСМ правёў акцыю на могілках ля «кальварыйскага касцёла»
- Written by Katolik.life
- Published in Соцыум
- Add new comment
Валанцёры працавалі граблямі і венікамі, прыбіралі смецце і апалае лісце.
Рэспубліканская дабрачынная акцыя "Аднаўленне святынь Беларусі" стартавала 18 красавіка ў Фрунзенскім раёне Мінска. У гэты дзень валанцёры руху ГА "БРСМ" "Добрае сэрца" сярэдніх школ №7, 116, 138 сумесна з Фрунзенскім раённым камітэтам ГА "БРСМ" прымалі ўдзел у навядзенні парадку на тэрыторыі рыма-каталіцкай парафіі Узвышэння Святога Крыжа, паведамляе ў сацсетцы першасная арганізацыя гэтай дзяржаўнай моладзевай структуры і публікуе фотасправаздачу. На здымках відаць, як больш за дзесяць хлопцаў і дзяўчат працуюць граблямі і венікамі, прыбіраюць смецце і апалае лісце.
Нагадаем, раней Katolik.life паведамляў пра акцыю БРСМ па ўборцы ад снегу тэрыторыі касцёла ў Лагойску.
Мінскі каталіцкі храм Узвышэння Святога Крыжа размешчаны на Кальварыйскіх могілках, дзякуючы чаму вядомы таксама, як «кальварыйскі касцёл». Гэты помнік архітэктуры ў неагатычным стылі ўключаны ў Дзяржаўны спіс гісторыка-культурных каштоўнасцяў Рэспублікі Беларусь.
Related items
- Старадаўняя капліца згарэла на могілках у Смаргоні
- «Не сказалі нават біскупу». Даведаліся, на які тэрмін асудзілі святароў у Віцебску
- «Сезон пілігрымак» адкрыла паломніцтва з Пінска ў Лагішын
- Песня з хрысціянскімі матывамі ад Украіны заняла трэцяе месца на Еўрабачанні
- «Зробім каталіцкае ТБ». Два моцныя YouTube-праекты запусцілі святары і манахіня