Фотафакт: буслы аблюбавалі крыжы каталіцкага і праваслаўнага храмаў
- Written by Katolik.life
- Published in Соцыум
- Add new comment
Птушкі з розным «веравызнаннем» жывуць у адной сям'і. Вельмі сімвалічна для Беларусі!
Фатограф са Стоўбцаў Павел Савіцкі апублікаваў цікавыя фота з подпісам: «Буслам наогул без розніцы на якой жэрдцы сядзець. Новы Свержань. Успенская царква і касцёл святых Пятра і Паўла».
На здымках з вёскі Стаўбцоўскага раёна Мінскай вобласці відаць, як адзін бусел сядзіць на перакладзіне крыжа праваслаўнага храма, а другі - на крыжы каталіцкага храма. Пра гісторыю цікавых фатаграфій Katolik.life распавёў іх аўтар:
- Буслоў на крыжах заўважаю перыядычна. Тут цікава супала, што яны сядзелі на іх адначасова. А царква і касцёл знаходзяцца на адной плошчы. У птушак гняздо за касцёлам, - кажа Павел.
Можна было б пажартаваць: у адной сям'і буслоў жыве і «праваслаўны», і «католік». Вельмі сімвалічна для Беларусі, якая знаходзіцца на мяжы Усходу і Захаду, і дзе шматлікія сем'і змешаныя ў плане веравызнання.
Related items
- Святары з Шуміліна застаюцца ў зняволенні, таксама арыштавана парафіянка
- Прыехалі ў касцёл на трох машынах: на Віцебшчыне затрымалі двух святароў
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі