10 млн праглядаў. Гэты калядны ролік крануў свет
- Written by Katolik.life
- Published in Соцыум
- Add new comment
«Любоў - гэта падарунак», - гаворыць маці сыну, калі апошні раз віншуе з Раством
Вядучыя сусветныя медыя напісалі пра маленькі калядны відэаролік, які за тыдзень на Фэйсбуку набраў каля 10 млн праглядаў. «Love is a Gift - Christmas Short Film» - так назваў сваю стужку малады брытанскі рэжысёр і аператар Філ Бістал, які распавёў гісторыю праз 2,5-хвілінны фільм, зроблены яшчэ ў 2014 годзе. Ён апублікаваў яго цяпер у адказ на распаўсюд дарагой рэкламы і даказаў, што грошы не могуць усё.
За 50 фунтаў стэрлінгаў брытанец зрабіў віруснае відэа з гісторыі пра маладога мужчыну, які лічыць дні да Раства Хрыстовага з дапамогай звычайнага Адвэнтавага календара. Цяпер для многіх гэта проста мода і фармальнасць. Але тут хлопец уключае стары касетны плэер і чуе жаночы голас: «Прывітанне, гэта мама…»
Яна віншуе сына з Божым Нараджэннем апошні раз у жыцці. І развітваецца. «Любоў - гэта падарунак», - гаворыць маці сыну.
- Мы не абмежаваныя толькі кар’ерай і матэрыяльнымі рэчамі. Сям’я - на першым месцы, і важна, каб мы клапаціліся адзін пра аднаго», - тлумачыць ідэю рэжысёр і заклікае праз сваю працу не ператвараць падрыхтоўку да Калядаў у шоп-туры. Але паглядзець навокал. На тых хто побач. І хто заўтра, магчыма, будзе далёка.
Media
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Ці ўступаць у піянеры, спыталі ў вернікаў – частка адказаў здзівіла
- Пацалунак пад абразом і цягнік з адным вагонам – чым дзеліцца парафія ў глыбінцы
- З 7 дзецьмі пасля 25 сутак вядомы прапаведнік пакінуў Беларусь
- У Ізраілі католікі з Беларусі спакойна перажылі атаку Ірана, але «вайна дастала»