На пахаванні беларускі Лізы ў Варшаве будуць маліцца прадстаўнікі трох канфесій
- Written by KATOLIK.LIFE
- Published in Соцыум
- Add new comment
Прызначана дата пахавання, якое пройдзе ў польскай сталіцы пры ўдзеле праваслаўнага і каталіцкага святароў, а таксама пратэстанцкага пастара.
Развітанне і пахаванне беларускі Лізаветы, памерлай пасля згвалтавання ў Варшаве, адбудуцца 14 сакавіка а 13.00 на Паўночных могілках польскай сталіцы (Pownocny cmentarz) у зале С. Усе жадаючыя могуць развітацца з Лізай, паведаміла літаратар, вядоўца ТV-праектаў Валярына Кустава, якая прымае ўдзел у арганізацыі пахавання.
Яна ўдакладніла, што з Беларусі прыехаў брат Лізы, а падчас развітання адбудзецца набажэнства. З развітальным словам і малітвай выступяць прадстаўнікі адразу трох хрысціянскіх канфесій: беларускія святары праваслаўнай і каталіцкай Цэркваў, а таксама пратэстанцкі пастар.
Раней паведамлялася, што Лізавета была ахрышчаная ў праваслаўі, і правядзенне адпявання ў гэтым абрадзе было пажаданнем сваякоў памерлай.
Нагадаем, за супакой душы і Божую міласэрнасць для Лізаветы маліліся таксама многія беларускія католікі.
Наш канал в Telegram – только интересное и важное. Подписаться >
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў