Каталіцкі Касцёл у Нігеры прыпыніў дзейнасць
- Written by katolik-gomel.by
- Published in Царква
- Add new comment
Там адбыліся масавыя беспарадкі, падчас якіх мясцовыя ісламісты падпальвалі каталіцкія храмы і ўстановы.
Епіскапат Нігера прыпыніў ўсю дзейнасць Каталіцкага Касцёла ў гэтай краіне «да далейшага паведамлення». Гаворка ідзе пра дзейнасць парафій, школ, медыцынскіх цэнтраў і дабрачыннай дзейнасці. Такое рашэнне стала вынікам «разграблення цэркваў і інфраструктуры ўстаноў, апаганьванне месцаў набажэнства», - сказана ў заяве. Нагадаем, 17-18 студзеня ў Нігеры адбыліся масавыя беспарадкі, падчас якіх мясцовыя ісламісты, пратэстуючы супраць карыкатур у французскім часопісе «Charlie Hebdo», падпальвалі каталіцкія храмы і ўстановы. Было знішчана 45 цэркваў, 5 гасцініц, 36 пунктаў з напоямі, адзін дзіцячы дом, абрабавана і падпалена хрысціянскуая школа.
Рэспубліка Нігер - дзяржава ў Заходняй Афрыцы, насельніцтва якой складае больш за 15 млн. чалавек. Па індэксе развіцця чалавечага патэнцыялу Нігер знаходзіцца на адным з апошніх месцаў у свеце. Іслам суніцкага толку вызнаюць 80% насельніцтва, абарыгенныя культы і хрысціянства — 20%. Большасць хрысціян - каталікі, але ёсць невялікія супольнасці евангелістаў, паведамляюць сусветныя СМІ.
Related items
- «Зробім каталіцкае ТБ». Два моцныя YouTube-праекты запусцілі святары і манахіня
- Названа «лепшае фота» з палярным ззяннем – над прыдарожным крыжам
- Над дамамі і храмамі: здымкамі яркага палярнага ззяння дзеляцца ў сетках
- Не Галівуд: беларускія святары запусцілі круты праект з асновай на рэальных фактах
- 9 траўня ў дзень Унебаўшэсця Пана католікі моляцца аб супакоі на зямлі