У Францыі выставілі хітон Ісуса Хрыста [+ ВІДЭА]

У базыліцы Святога Дыянісія ў Аржантэй (Францыя) з Вялікай пятніцы па 10 красавіка праходзіць надзвычайнае выстаўленне хітона Ісуса Хрыста, у якім ён ішоў на распяцце і з-за якога кідалі жэрабя жаўнеры на Галгофе. Надзвычайнае выстаўленне адной з галоўных хрысціянскіх рэліквій звязана са святкаваннем юбілею Міласэрнасці, а таксама 50-годдзем дыяцэзіі Пантуаз і 150-годдзем будаўніцтва мясцовай базілікі, паведамляе французская прэса.

Хітон Ісуса выстаўляецца на паказ, як правіла, раз у 50 гадоў. У апошні раз - у 1984 годзе, а чарговае выстаўленне было запланавана толькі на 2034 год, але з-за трох сумежных ў цяперашні час юбілеяў мясцовы ардынарый вырашыў перанесці выстаўленне. Паводле падання, хітон (туніка), вытканы рукамі Панны Марыі, быў набыты ў ваяроў, якія распіналі Хрыста і якія дзялілі па жэрабі Яго вопратку, Понціем Пілатам, які затым перапрадаў яе першым хрысціянам. Некаторы час хітон захоўваўся ў апостала Пятра, які перанёс яго ў Яфу, у дом Сымона-гарбара.

Легенда гаворыць, што ў IV стагоддзі святыня была здабыта ў Палестыне св. царыцай Аленай. У VII стагоддзі, з-за наступаючых на Палестыну войскаў персідскага цара, хітон быў перанесены ў Канстанцінопаль. У 800 годзе візантыйская імператрыца Ірына перадала гэтую бясшвоўную туніку ў дар імператару Захаду Карлу Вялікаму як сімвал непадзельнасці Рымскай імперыі. Карл Вялікі перадаў святыню ў кляштар Божай Маці ў Аржантэй, настаяцельніцай якога была яго дачка.

Падчас нашэсця нарманаў у 850 годзе рэлікварый з тунікай быў замураваны ў сцяну (па іншай версіі - схаваны ў склепе) і здабыты больш за стагоддзе пасля падчас рэканструкцыі манастырскай царквы.