Стаць клерыкам на ўік-энд зноў прапануе Пінская семінарыя
- Written by Katolik.life
- Published in Царква
- Add new comment
Акцыя пройдзе 3-4 лютага, але правесці выхадныя ў семінарыі можна і ў іншыя дні.
“Стань семінарыстам на ўікэнд” – пад такім дэвізам трывае міжнародная акцыя для юнакоў, якія адчуваюць у сваім сэрцы пакліканне да святарства. Сёлета да гэтай акцыі зноў далучылася Міждыяцэзіяльная духоўная семінарыя ў Пінску.
Стаць клерыкам на ўікэнд – гэта значыць пражыць адзін або некалькі дзён так, як жывуць семінарысты. Акунуцца ў паўсядзённае жыццё духоўнай установы, якая рыхтуе будучых святароў. Гэта магчымасць пражыць дзень ад пачатку і да канца так, як перажывае яго студэнт семінарыі: ад 6.00 да 22.30 – з малітвай і спортам, вучобай і працай, духоўна і фізічна. Пабыць клерыкам. Адчуць рытм жыцця маладых юнацкіх сэрцаў, якія прагнуць быць вучнямі Хрыста, рыхтуюцца бяз рэшты прысвяціцца ратаванню людскіх душ.
Ідэя праводзіць падобныя моладзевыя акцыі ў духоўных семінарыях свету скіравана на разбурэнне шматлікіх забабонаў, страхаў і стэрэатыпаў, якія часам пужаюць маладых людзей.
Святары, якія займаюцца душпастырствам моладзі і пакліканняў заўважаюць апошнім часам, што існуе шмат юнакоў, якія адчуваюць пакліканне да святарства, але баяцца, што не вытрымаюць у семінарыі. Баяцца, таму што не ведаюць. Іх пужае невядомае. Таму разнастайныя акцыі і мерапрыемствы, якія даюць магчымасць адчуць жыццё семінарыі знутры, пакліканы разбурыць памылковыя стэрэатыпы і паказаць прыгажосць і радасць жыцця маладых людзей, якія ўжо пераступілі парог семінарыі і з энтузіязмам вучацца ў гэтай Хрыстовай школе, каб выйсці з яе душпастырамі, якіх чакае Бог і сучасны чалавек.
Акцыя “Стань клерыкам на ўікэнд” у Пінскай духоўнай семінарыі будзе праводзіцца ў гэтым годзе 3-4 лютага. Аднак, калі хтосьці з маладых людзей жадае “пабыць клерыкам” у іншы час, дзверы семінарыі адчынены для кожнага. Неабходна толькі патэлефанаваць у семінарыю і дамовіцца аб прыездзе. Магчыма гэта будзе той крок, які дапаможа камусьці з маладых людзей перамагчы страх, прыехаць у семінарыю, каб нарэшце выйсці насустрач Хрысту, які кліча наследаваць Яго ў пастырскім служэнні.
Кантакт:
ул. Леніна 16,
225710, г. Пінск, Брэсцкая вобл.
Тэл. (0165) 65 41 45; +375 29 727 31 98; +375 25 604 41 86, e-mail: mvds@catholic.by; swiatar@gmail.com.
Related items
- Не Галівуд: беларускія святары запусцілі круты праект з асновай на рэальных фактах
- 9 траўня ў дзень Унебаўшэсця Пана католікі моляцца аб супакоі на зямлі
- Манах з Гудагая зрабіў арэлі для парафіі ў Мінску
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы