Католікі Беларусі збіраюць «цаглінкі» для касцёла ў Барысаве
- Written by katolik-gomel.by
- Published in Царква
- Add new comment
Пробашч падарожнічае па парафіях, каб пабудаваць святыню.
У Барысаве працягваецца будоўля другога ў горадзе каталіцкага храма. Парафія Спаслання Духа Святога была арганізавана пры капліцы на Кальварыі, заснаванай у XVIII ст. і адноўленай у 2000 г. А 25 траўня 2014 г. Мітрапаліт Мінска-Магілёўскі арцыбіскуп Тадэвуш Кандрусевіч асвяціў вуглавы камень для будоўлі новага касцёла Спаслання Святога Духа.
Парафія пакуль нешматлікая, ахвяраванняў мясцовых вернікаў не хапае на ўсе будаўнічыя працы, таму пробашч кс. Аляксей Раманчук арганізаваў незвычайную акцыю. Ён падарожнічае па парафіях Беларусі, служыць святую Імшу ў касцёлах іншых гарадоў і прапаноўвае мясцовым вернікам набыць сімвалічныя «цаглінкі» для будоўлі касцёла ў Барысаве. «Цаглінкі» маюць розны намінал, у залежнасці ад памеру ахвяры - ад 20 да 200 тысяч рублёў.
19 чэрвеня кс. Аляксей завітаў у Гомель, дзе таксама прапаноўваў набыць «цаглінкі». Ён паведаміў, што сцены новай святыні ўжо ўзведзеныя, і пробашч спадзяецца у хуткім часе накрыць дах і ўставіць вокны. А як хутка - залежыць ад ахвяраванняў. Дарэчы, пробашч цэлебруе святыя Імшы ў інтэнцыях ўсіх ахвярадаўцаў.
Р/рахунак №3015401940011 у Філіяле ААТ «Белаграпромбанк»,
Мінскае абласное ўпраўленне, адрас банка:
220020, г. Мінск, , пр. Пераможцаў, 91. код 942, УНП 600917469.
Related items
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Не сказалі нават біскупу». Даведаліся, на які тэрмін асудзілі святароў у Віцебску
- «Сезон пілігрымак» адкрыла паломніцтва з Пінска ў Лагішын
- Песня з хрысціянскімі матывамі ад Украіны заняла трэцяе месца на Еўрабачанні