Стартавалі пешыя пілігрымкі да Маці Божай Каралевы Палесся
- Written by katolik-gomel.by
- Published in Царква
- Add new comment
У Лагішын ідуць пешшу пілігрымы з Баранавічаў і Бярозы.
18 жніўня стартавалі пешыя пілігрымкі з Баранавічаў і Бярозы ў дыяцэзіяльны санктуарый Маці Божай у Лагішыне, дзе шануецца цудатворны абраз Божай Маці Лагішынскай, Каралевы Палесся. Традыцыйна паломнікі з розных куткоў Беларусі ў гэтыя дні ідуць пакланіцца да святыні - Божай Маці Лагішынскай, якая з'яўляецца нябеснай заступніцай Палесся. На працягу чатырох дзён яны пераадолеюць адлегласць каля 140-150 кіламетраў. Шматлікіх гасцей прыме заснаваная ў 1913 годзе векавая святыня - касцёл імя апосталаў Пятра і Паўла.
Фэст у дыяцэзіяльным санктуарыі Каралевы Палесся ў Лагішыне будзе доўжыцца два дні. У вігілію свята Маці Божай Каралевы, 21 жніўня, пілігрымы прыбудуць у санктуарый на малітоўнае чуванне, якое будзе працягвацца ўсю ноч і наступны дзень.
Праграма ўрачыстасцяў у Лагішыне
21 жніўня
18.00 — урачысты ўваход пілігрымаў праз велічныя Брамы Міласэрнасці ў санктуарый
18.30–21.00 — адарацыя Найсвяцейшага Сакрамэнту перад цудадзейным абразом Маці Божай, магчымасць споведзі
20.00 — Ружанец і навэнна ў сувязі з падрыхтоўкай да 100-годдзя аб’яўленняў Маці Божай у Фаціме
21.00 — канцэрт і малітва праслаўлення пад кіраўніцтвам катэдральнага хора з Пінска
22.00 — святая Імша з удзелам пілігрымаў. Падчас Імшы адбудзецца ўрачыстае аднаўленне сакрамэнту хросту з нагоды святкавання Юбілейнага Года Міласэрнасці.
Пасля Імшы:
- малітоўная працэсія са свечкамі вакол санктуарыя Маці Божай
- канцэрт праслаўлення (парафіяльныя музычныя гурты і пілігрымы)
- усяночнае малітоўнае чуванне «Ноч для Пана» перад цудадзейным абразом Маці Божай
- адарацыя Найсвяцейшага Сакрамэнту, магчымасць споведзі і размовы са святаром
22 жніўня
7.30 — Гадзінкі аб Беззаганным Зачацці Найсвяцейшай Панны Марыі
8.00 — святая Імша (на польскай мове) у інтэнцыі пакліканняў да святарскага і манаскага служэння
10.00 — урачыстая святая Імша з удзелам пілігрымаў
12.00 — благаслаўленне пілігрымаў
12.30 — сустрэча для святароў (Дом міласэрнасці)
Related items
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын
- «Зробім каталіцкае ТБ». Два моцныя YouTube-праекты запусцілі святары і манахіня
- Не Галівуд: беларускія святары запусцілі круты праект з асновай на рэальных фактах
- 9 траўня ў дзень Унебаўшэсця Пана католікі моляцца аб супакоі на зямлі