Ксёндз Вячаслаў Барок выйграў суд супраць ДАІ
- Written by katolik-gomel.by
- Published in Царква
- Add new comment
Віцебскага пробашча аштрафавалі на свяце ў Будславе.
У судзе Фрунзенскага раёна Мінска 13 кастрычніка вынеслі рашэнне па скарзе на пратакол ДАІ ў дачыненні святара Каталіцкай царквы. Кс. Вячаслаў Барок, пробашч касцёла святога Антонія ў Віцебску, абвінавачваўся ў тым, што 1 ліпеня, на галоўным беларускім каталіцкім фэсце ў Будславе, парушыў ПДР. Святару інкрымінавалася незаконная паркоўка на перакрыжаванні. Традыцыйна ў дзень свята рух у Будславе перакрываецца, праехаць на спецыяльна адведзеную стаянку ля Нацыянальнага санктуарыя могуць толькі святары і прадстаўнікі ўладаў, але канфлікт разгарэўся пасля таго, як супрацоўнікі ДАІ не прапусцілі святара да гэтай стаянкі.
Кс. Вячаслава аштрафавалі, ён аспрэчваў пратакол, і 23 жніўня ў Мінску адбыўся адміністрацыйны працэс, падчас якога святара ўсё ж прызналі вінаватым:
- Я спрабаваў звярнуцца да здаровага сэнсу тых, хто прыняў рашэнне. Я пытаўся: «Вы не лічыце, што гэтая сітуацыя цалкам абсурдная? Святар едзе ў касцёл, яго спыняе супрацоўнік ДАІ, спрабуе не прапусціць на касцельную паркоўку, выдзеленую для святароў. І затым той жа самы супрацоўнік ДАІ выпісвае пратакол, паказваючы правапарушэнне?
12 кастрычніка суд разгледзеў скаргу на пастаўленне ДАІ.
- Працэс доўжыўся 15 хвілін, суддзя імкнуўся паглыбіцца ў сутнасць справы, дазваляў ў поўнай меры выказацца адвакату, - пісаў святар у сваім Фэйсбуку.
Назаўтра суд абвясціў рашэнне - адправіць пратакол ДАІ на дапрацоўку. Справа ў дачыненні святара пакуль не спынена, але суд не стаў на бок ДАІ і прызнаў, што святара нельга караць па складзеным у Будславе пратаколе.
- Гэта ўжо можна назваць маленькай перамогай, - пракаментаваў кс. Вячаслаў.
Related items
- У Беларусі прызнаны гісторыка-культурнай каштоўнасцю каталіцкі абрад «Тры каралі»
- Старадаўняя капліца згарэла на могілках у Смаргоні
- «Не сказалі нават біскупу». Даведаліся, на які тэрмін асудзілі святароў у Віцебску
- Песня з хрысціянскімі матывамі ад Украіны заняла трэцяе месца на Еўрабачанні
- «Зробім каталіцкае ТБ». Два моцныя YouTube-праекты запусцілі святары і манахіня