Каталіцкія і праваслаўныя іерархі ўдзельнічалі ў адкрыцці Саборнай мячэці ў Мінску

У Мінску 11 лістапада адкрылі першую ў сталіцы Беларусі мячэць. Урачыстае адкрыццё месца малітвы мусульман узначалілі прэзідэнт Беларусі і турэцкі лідар Рэджэп Эрдаган. На цырымонію адкрыцця прыйшлі больш за 250 запрошаных, у ліку якіх і каталіцкія іерархі - Апостальскі Нунцый у Беларусі арцыбіскуп Габар Пінтэр і Мітрапаліт Мінска-Магілёўскі арцыбіскуп Тадэвуш Кандрусевіч, а таксама мэр Мінска Андрэй Шорац, міністр культуры Барыс Святлоў, Мітрапаліт Мінскі і Заслаўскі Павел, мусульманскія старэйшыны з рэгіёнаў.

Мінская саборная мячэць - дакладная копія той, якая была разбурана яшчэ ў савецкія часы. Узнаўлялі яе больш за 10 гадоў. Доўгі час вернікі маліліся ў пераробленым пад святыню будаўнічай бытоўцы. Новая святыня - адзіная на сёння мячэць у беларускай сталіцы. Яна змяшчае да 750 чалавек.

Галоўны муфтый Беларусі Абу-Бекір Шабановіч назваў адкрыццё святыні гістарычнай падзеяй. Мусульмане з’явіліся на беларускай зямлі яшчэ ў XIV ст. Краіна здаўна славіцца традыцыямі верацярпімасці, узаемнай павагі паміж людзьмі розных канфесій і нацыянальнасцяў.

Сatholic.by