Каталіцкая моладзь абяцае захоўваць цнатлівасць да шлюбу
- Written by katolik-gomel.by
- Published in Царква
- Add new comment
Урачыстае пасвячэнне ў рух чыстых сэрцаў прайшло ў Навагрудку.
20 лістапада ў касцёле Святога Міхала Арханёла ў Навагрудку адбылася ўрачыстая цырымонія дабравольнага пасвячэння ў рух чыстых сэрцаў. Шэсць маладых людзей перад алтаром склалі абяцанні весці цнатлівае жыццё да шлюбу.
Праз гэты жэст у прысутнасці парафіяльнай супольнасці моладзь выказала, што сапраўдную, верную, чыстую любоў варта чакаць. Сваіх будучых мужоў, жонак і дзяцей яны даверылі Богу. Таксама моладзь выказала жаданне «прапаведаваць у сваім асяроддзі чысціню ўзаемаадносін паміж мужчынам і жанчынай, нягледзячы на стэрэатыпы, якія склаліся ў сучасным грамадстве».
Бацькі і родныя кандыдатаў пасля абраду абяцанняў адзелі сваім дзецям на безыменны палец правай рукі пярсцёнкі з надпісам на англійскай мове «сапраўдная любоў чакае». Па традыцыі гэты пярсцёнак будзе заменены на іншы ў момант заключэння сакрамэнтальнага сужэнства.
Рух чыстых сэрцаў яднае вялікую колькасць маладых людзей па ўсім свеце. 20 лістапада на мапе свету — у Гродзенскай дыяцэзіі — з’явілася яшчэ адна кропка, дзе моладзь адкрыта супрацьпастаўляецца сучаснай амаральнай маскультуры і не на словах ідзе за Хрыстом.
Related items
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная