Пінская семінарыя выпусціла матывацыйны ролік [відэа]

Каталіцкая вышэйшая духоўная семінарыя ў Пінску размясціла ў сваёй групе ў сацсетцы «ВКонтакте» відэаролік з запрашэннем стаць клерыкам на ўікэнд. Крыху больш чым за два тыдні відэа набрала звыш двух тысяч праглядаў.

- Семінарыйная акцыя «Клерык на ўікэнд» запрашае ўсіх жадаючых маладых людзей ад 14 гадоў паспрабаваць сябе ў ролі семінарыста! Пінская семінарыя далучаецца да сусветнай ініцыятывы, звязанай з магчымасцю звычайных людзей зазірнуць туды, куды ніхто і ніколі яшчэ не заглядваў - у семінарыйнае закрытае жыццё. Паехаць можа кожны, на любыя выходныя, калі зручна! - гаворыцца ў групе з просьбай аб рэпосце роліка.

Падрабязнасці і запіс па тэлефоне +375 25 6044186.

Раней іншае відэа з запрашэннем прыехаць у Пінскую семінарыю было выкладзена на Youtube.