На малітве за Беларусь у Курапатах сабраліся каля 100 чалавек
- Written by katolik-gomel.by
- Published in Царква
- Add new comment
Каля ўрочышча вядзецца пратэст супраць будаўніцтва бізнес-цэнтра.
У нядзелю, 26 лютага, каля ўрочышча Курапаты правялі малітву за Беларусь, у якой прынялі ўдзел прадстаўнікі розных хрысціянскіх канфесій, у тым ліку католікі. Узначаліў малітву пастар мінскай царквы хрысціян веры евангельскай "Ян Прадвеснік" Антоній Бокун. Паводле паведамленняў у сацсетках, на малітве сабролася прыкладна 90-100 чалавек.
Нагадаем, каля ўрочышча, дзе адбываліся масавыя расстрэлы рэпрэсаваных і дзе да гэтага часу знаходзяцца парэшткі забітых, вядзецца будаўніцтва бізнес-цэнтра. Грамадскія актывісты вядуць пратэст і паставілі намётавы лагер побач з месцам будаўніцтва. Курапаты з'яўляюцца знакавым месцам для Беларусі, менавіта тут пачыналася нацыянальнае адраджэнне пасля выяўлення астанкаў рэпрэсаваных.
Учора арцыпастыр Каталіцкай царквы ў Беларусі мітрапаліт Тадэвуш Кандрусевіч апублікаваў зварот у сувязі з сацыяльна-палітычнай напружанасцю ў краіне: «Курапаты павінны стаць нацыянальным Мемарыяльным комплексам».
Related items
- Прыехалі ў касцёл на трох машынах: на Віцебшчыне затрымалі двух святароў
- 9 траўня ў дзень Унебаўшэсця Пана католікі моляцца аб супакоі на зямлі
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Фэст у лясной капліцы з незвычайнай гісторыяй святкавалі капуцыны і пілігрымы
- Ці ўступаць у піянеры, спыталі ў вернікаў – частка адказаў здзівіла