Божыя сюрпрызы: у Беларусі 9 траўня выпаў снег

Некаторыя раёны Беларусі 9 траўня... накрыла снегам! Гэтай вясной надвор'е працягвае здзіўляць анамаліямі. Нагадаем, пад снегам у многіх гарадах і вёсках Беларусі сустракалі Вялікдзень 16 красавіка, дзе-нідзе снег ішоў нават 1 траўня. Неймаверна, але і 9 траўня зіма зноў нагадала аб сабе завеяй! У прыватнасці, снег выпаў па паўночным захадзе Беларусі, у Гродзенскай і Віцебскай абласцях. Фота касцёла святога Станіслава пад снегам у вёсцы Лядск Шчучынскага раёна апублікавала ў ВК Наталля Хартановіч.

Вось такі Божы сюрпрыз. Або гэтыя ўсе больш частыя анамаліі становяцца наступствамі пагібельнай для клімату дзейнасці чалавека?

У гэты час у іншых рэгіёнах, напрыклад, у Гомелі, было сонечна і адносна цёпла - каля 10 градусаў, без ападкаў.

Холадна і дажджліва ў Беларусі будзе і ў бліжэйшыя дні, а з пятніцы крыху пацяплее.