У Мінску памоляцца за Максіма Багдановіча ў 100-годдзе яго смерці

25 траўня 2017 года, у дзень 100-годдзя з дня смерці вядомага беларускага паэта Максіма Багдановіча, у праваслаўным саборы апосталаў Пятра і Паўла ў Мінску пройдзе паніхіда. Пачатак памінальнай малітвы - у 14.30.

Максім Багдановіч - беларускі паэт, публіцыст, літаратуразнаўца, перакладчык; класік беларускай літаратуры, адзін са стваральнікаў беларускай літаратуры і сучаснай літаратурнай беларускай мовы. Магіла Багдановіча знаходзіцца ў Ялце, дзе ён памёр ад сухотаў.