Упершыню за 30 гадоў Дзяржсакратар Ватыкана наведае Расію
- Written by katolik.life
- Published in Царква
- Add new comment
Кардынал П'етра Паралін сустрэнецца з Пуціным і Патрыярхам Кірылам.
Кардынал Пьетра Паралін, бліжэйшы супрацоўнік папы Францішка, рыхтуецца да запланаванай у жніўні паездкі ў Маскву, падчас якой сустрэнецца, у прыватнасці, з Патрыярхам Маскоўскім і ўсяе Русі Кірылам і Прэзідэнтам Расіі Уладзімірам Пуціным.
“Я разумею, што гэта падарожжа прыцягне ўвагу грамадскай думкі. Гаворка ідзе пра будаўніцтва мастоў, што ў выпадку Расіі азначае дзейнасць Каталіцкага Касцёла і дыялог з Праваслаўнай Царквой”, - сказаў кардынал, абвясціўшы, што ў Маскве будзе размаўляць таксама пра міжнародныя справы, у тым ліку будзе абмяркоўвацца тэма Блізкага Усходу, Сірыі і Украіны, краіны, якую кіраўнік ватыканскай дыпламатыі наведаў у 2016 г.
Апошні раз ватыканскі Дзяржсакратар наведваў Расію амаль тры дзесяцігоддзі таму, у 1988 г., калі кардынал Агасціна Казаролі знаходзіўся ў Маскве з нагоды святкавання 1000-годдзя Хрышчэння Русі і быў прыняты Прэзідэнтам СССР Міхаілам Гарбачовым.
Нагадаем, Беларусь Дзяржсакратар Ватыкана наведваў у 2015 годзе >
Related items
- Тым, хто не можа на Радуніцу памянуць блізкіх у храме, прапануюць гэта зрабіць дыстанцыйна і бясплатна
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Не сказалі нават біскупу». Даведаліся, на які тэрмін асудзілі святароў у Віцебску
- «Сезон пілігрымак» адкрыла паломніцтва з Пінска ў Лагішын