На месцы спаленага касцёла ў Клюшчанах пабудуюць капліцу
- Written by Katolik.life
- Published in Царква
- Add new comment
Біскуп Аляксандр Кашкевіч абвясціў збор сродкаў сярод вернікаў дыяцэзіі.
Біскуп Гродзенскі Аляксандр Кашкевіч выдаў распараджэнне аб зборы матэрыяльных сродкаў на будову новай капліцы ў Клюшчанах (Астравецкі дэканат) на месцы спаленага старадаўняга касцёла Св. Яўхіма. Святыня з амаль 300-гадовай гісторыяй згарэла дашчэнту сёлета 6 чэрвеня. Асноўная версія - няспраўнасць электрасетак і электраабсталявання.
Збор ахвяраванняў ва ўсёй Гродзенскай дыяцэзіі пройдзе ў нядзелю 6 жніўня.
- Ад імя клюшчанскіх вернікаў звяртаюся да вас з просьбай быць салідарнымі і сабраць ахвяраванні на будову капліцы, якая павінна з'явіцца на месцы страчанага касцёла, - заахвочвае біскуп Кашкевіч у распараджэнні, якое цытуе grodnensis.by.
Касцёл у Клюшчанах пабудаваны ў 1726 годзе. Быў зачынены ў 1948 годзе, у 1990 - вернуты i адбудаваны. У 1993 годзе - рэкансэкраваны. У апошнія часы святыня па нядзелях і святах збірала каля 150 вернікаў з больш чым дзесяці навакольных вёсак.
Касцёл у Клюшчанах — месца, дзе нёс служэнне кс. Канстанцін (Кастанты) Стэповіч (паэтычны псеўданім — Казімір Сваяк). Якраз у гэтым касцёле ў 1915 годзе ён прамовіў адно з першых сваіх казанняў на беларускай мове, што ў той час было ў навінку.
Related items
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын
- «Зробім каталіцкае ТБ». Два моцныя YouTube-праекты запусцілі святары і манахіня
- Не Галівуд: беларускія святары запусцілі круты праект з асновай на рэальных фактах