Мітрапаліт Павел патлумачыў, чаму дабраслаўляе памінаць католікаў
- Written by Katolik.life
- Published in Царква
- Comments (1)
«Мы, праваслаўныя, молімся за католікаў, а можа быць яны заўтра будуць праваслаўнымі» [відэа]
У расійскім сегменце сацсеткі «Вконтакте» паднялася хваля абурэння пасля таго, як у інтэрнэце з'явілася відэа, на якім прадстаяцель Беларускай праваслаўнай царквы, Мітрапаліт Маскоўскай патрыярхіі Павел тлумачыць, чаму дабраслаўляе памінаць католікаў на праскамідыі (частка літургіі). Прычым, паднялі гэтую хвалю тыя, хто лічыць толькі сябе праўдзівымі вернікамі, праваслаўнымі, а католікаў - ерэтыкамі. Таму ў адрас Мітрапаліта Паўла ў сацсетцы таксама пасыпаліся абразы і абвінавачванні ад «праўдзівых праваслаўных» - праціўнікаў экуменізму.
Патрыяршы экзарх усяе Беларусі патлумачыў сваю пазіцыю, адказваючы на пытанне ў адным з беларускіх храмаў. Ён нагадаў, што ў краіне шматлікія сем'і змешаныя, часта муж і жонка належаць да розных канфесій. У той жа час Мітрапаліт адзначыў, што «Хрыстос прыйшоў збавіць не толькі праваслаўных», таксама Гасподзь заклікаў маліцца нават за ворагаў, «а католікі - не ворагі».
- Мы, праваслаўныя, молімся за католікаў, а можа быць яны заўтра будуць праваслаўнымі, - сказаў лідэр БПЦ і ўзгадаў прыклады, калі ў розных краінах вернікі іншых хрысціянскіх канфесій казалі яму пра жаданне стаць праваслаўнымі.
Нагадаем, Руская праваслаўная царква, да якой адносіцца і БПЦ, забараняе праваслаўным вернікам Маскоўскага патрыярхату прымаць Святую Камунію ў каталіцкіх храмах, таксама як і католікам - у сваіх цэрквах.
Media
Related items
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
RSS-стужка каментароў гэтага запiсу