У вясковым касцёле на Віцебшчыне пройдзе ўрачыстая служба з удзелам дудароў
- Written by Katolik.life
- Published in Царква
- Add new comment
Міжнародны дударскі фэст з гасцямі з Польшчы, Славакіі, Чэхіі, Шатландыі, Латвіі, Бельгіі, Сербіі і Харватыі пройдзе ў Глыбокім [відэа]
Глыбокае запрашае на другі фэст дударскіх рэгіёнаў “Дударскі Рэй - 2018”, які сёлета адбудзецца 4-6 траўня. Свята дуды пройдзе пад міжнародны акампанемент запрошаных гасцей з розных дударскіх рэгіёнаў Польшчы, Славакіі, Чэхіі, Шатландыі, Латвіі, Бельгіі, Сербіі і Харватыі.
У адрозненні ад дэбютнага фэсту, сёлета падзея стане ажно трохдзённай і абяцае сабраць шматлікіх прыхільнікаў гэтага старажытнага беларускага інструмента, паведамілі Katolik.life арганізатары.
Назва фестывалю ўзятая з верша Янкі Купалы: Важна рэй Ігнат Буйніцкі/Ў танцах нашых водзіць,/Аж здаецца – усё чыста/Хадыром з ім ходзіць… Пад дуду і пад цымбалы/Топне, прыспявае.../Сцеражыцеся, ўсе людзі:/Беларус гуляе! Верш Янкі Купалы прысвечаны Ігнату Буйніцкаму, заснавальніку першай беларускай тэатральнай групы з Глыбоччыны, у складзе якой быў між іншым дудар - Адам Шульга.
Дарэчы, падчас фэсту плануецца ўшанаванне памяці Ігната Буйніцкага і Адама Шульгі як у Глыбокім, падчас адкрыцця фэсту на Алеі славутых землякоў, так і на малой радзіме - у вёсцы Празарокі.
- Падзея адбудзецца ў межах больш маштабнай працы па адраджэнні дуды ў адным з найбольш дударскіх рэгіёнаў Беларусі і Паазер’я. Запланаваныя шматлікія канцэрты, парады, выставы і іншыя мерапрыемствы, падчас якіх рэй будзе весці менавіта беларуская дуда, - дадалі арганізатары.
На закрыццё фэсту ў касцёле Беззаганнага Зачацця Найсвяцейшай Панны Марыі ў вёсцы Удзела пройдзе ўрачыстая служба з акампанементам дудароў.
Media
Related items
- 9 траўня ў дзень Унебаўшэсця Пана католікі моляцца аб супакоі на зямлі
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Ватыкан не паведамляў аб адмове Папы Рымскага ад удзелу ў мірным саміце па Украіне
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі