У цэнтры Гродна католікі правядуць працэсію на Пальмавую нядзелю
- Written by Katolik.life
- Published in Царква
- Add new comment
Сярод удзельнікаў будзе конкурс вербаў. А напярэдадні, 24 сакавіка - гарадскі Крыжовы шлях.
25 сакавіка, калі католікі будуць адзначаць Пальмавую (Вербную) нядзелю, у Гродне адбудзецца працэсія з вербамі. Ды ўдзелу ў працэсіі і святой Імшы, што пачнецца пасля працэсіі, запрашаецца моладзь Гродзенскай дыяцэзіі.
Працэсія традыцыйна праводзіцца ў памяць аб Урачыстым уваходзе Езуса Хрыста ў Ерусалім напярэдадні Яго арышту і Укрыжавання. Пачатак працэсіі ў Гродне - у 13.00 на бернардынскім узгорку. Удзельнікі пройдуць па Савецкай плошчы да кафедральнага сабору св. Францыска Ксаверыя, дзе ў 14.00 біскуп Гродзенскі Аляксандр Кашкевіч узначаліць імшу.
Усім удзельнікам трэба ўзяць з сабой вербы. Як і ў мінулыя гады, будзе праходзіць своеасаблівы "конкурс вербаў". Кожная гродзенская парафія, а таксама моладзевыя арганізацыі будуць прэзентаваць свае святочныя вербы.
Напярэдадні, у суботу 24 сакавіка, у Гродне пройдзе гарадскі Крыжовы шлях. Пачатак - пасля святой Імшы ў 19.00 у катэдральным касцёле. Вернікі пройдуць вуліцамі горада (па Савецкай плошчы да бернардынскага ўзгорка), разважаючы над стацыямі Крыжовага шляху Езуса Хрыста. Удзельнікам просьба прынесці з сабой свечкі.
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў