У Беларусі не зафіксавана выпадкаў педафіліі з боку святароў
- Written by Katolik.life
- Published in Царква
- Add new comment
Саміт па абароне непаўналетніх прайшоў у Ватыкане
24 лютага ў Ватыкане завяршыўся саміт па абароне непаўналетніх. Папа Рымскі Францішак нагадаў, што факты сексуальнага насілля з боку духавенства выклікалі сур’ёзны скандал, і адзначыў, што гэтай праблемай Касцёл заняўся калегіяльным чынам, пачуў голас ахвяр, маліўся і прасіў аб прабачэнні ў Бога і пакрыўджаных.
- Мы зразумелі нашу адказнасць, наш абавязак рэалізацыі справядлівасці ў праўдзе, радыкальнай адмовы ад усіх форм злоўжывання ўлады, сумлення і сексуальнага выкарыстання, - сказаў Папа.
Ён запэўніў, што гатовы супрацоўнічаць з усімі людзьмі добрай волі і ўсімі станоўчымі сіламі грамадства ва ўсіх краінах і на міжнародным узроўні, каб да канца перамагчы чуму гвалту ў дачыненні да малалетніх.
Беларусь на форуме прадстаўляў старшыня мясцовай Канферэнцыі біскупаў Мітрапаліт Тадэвуш Кандрусевіч. У Беларусі не было зарэгістравана выпадкаў сексуальнага насілля дзяцей з боку духавенства, але гэта не значыць, што «наша хата з краю», адзначыў іерарх.
Ён распавёў, што яшчэ ў 2012 годзе Канферэнцыя каталіцкіх біскупаў Беларусі распрацавала і прыняла нормы адносна разгляду спраў аб злоўжываннях. Пасля ватыканскага форума іх плануецца ўдасканаліць. Пры Канферэнцыі ёсць спецыяльны эксперт, адказны за вядзенне такіх спраў.
- Падчас даследавання такога роду спраў трэба выкарыстоўваць і калегіяльнасць, і сінадальнасць Касцёла. Калегіяльнасць - гэта біскупы, сінадальнасць - гэта свецкія асобы. Асабліва трэба карыстацца дапамогай свецкіх юрыстаў і псіхолагаў, якія добра ведаюць справу. Таксама трэба супрацоўнічаць з дзяржавай, бо ў дзяржавы ёсць свае законы, - цытуе арцыбіскупа Кандрусевіча vaticannews.va/be
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Такі падарунак – толькі ад байкераў. Мотасезон яны адкрылі ў касцёле
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад