Колькі павінны каштаваць свечкі ў храме? Падлічыў прадпрымальнік
- Written by Katolik.life
- Published in Царква
- Add new comment
Але ці павінны вернікі праз набыццё свечак фінансава падтрымліваць парафію, разважаюць у каментарах
Каталіцкі вернік з Мінска напісаў у сацсетцы аб сваім меркаванні наконт кошту свечак у храмах. Пост выклікаў цікаўнасць і пачаў актыўна абмяркоўвацца. Прыводзім допіс цалкам.
- Здаўна лічыцца, што культавым мэтам найлепшым чынам адпавядаюць свечкі з натуральнага пчалінага воску. Наўпрост гэтую думку падтрымлівае адпаведная малітва асвячэння пасхалу. Колькі ж можа каштаваць воскавая свечка, калі троху аддаліцца ад жарту пра маленькі свечкавы заводзік? - піша Спадар Нязручны.
Проста зараз пчаляры прапануюць ачышчаны воск па 15 - 20 рублёў за кілаграм. Калі ёсць час, магчымасць і жаданне ездзіць, а да якасці няма звышпатрабавальнасці, можна знайсці па 10, месцамі нават па 9 рублёў.
Некаторы час я кіраваў невялікім вытворчым прадпрыемствам. У тыя часы (а гэта было зусім нядаўна) існавала заканадаўчае абмежаванне дадавання да цаны тавару болей за 30% ад сумы непасрэдных выдаткаў - кошту сыравіны, электрычнасці, арэнды памяшканняў і некаторых іншых. Паколькі ў маім досведзе хімічная вытворчасць, магу смела сцвярджаць, што ў параўнанні з сыравінай астатнія выдаткі маюць невялікую вагу. Таму накінуўшы 40% можна атрымаць кошты, дазваляючыя атрымліваць прыбытак. Нескладаныя разлікі арыентуюць на кошт двухсотграмовай (вялікай) свечкі каля 4 рублёў, а маленькай пяцідзесяціграмовай - каля 1 рубля.
Канешне, мастацкія вырабы, зробленыя рукамі майстры, могуць каштаваць значна даражэй (і тут няма ніякай спекуляцыі). Але навошта ў рэлігійным кульце свечкі-мастацкія творы?
Ад сябе дададзім, што ў гомельскім касцёле кошты на свечкі прыкладна такія ж, як і піша аўтар, нават меншыя. Але не ўсе пагадзіліся з аўтарам. «Гэта калі лічыць, што мы купляем свечкі толькі як тавар, а не для таго, каб у тым ліку падтрымаць парафію фінансава», - пішуць у каментарах.
- Калі я хачу падтрымаць парафію матэрыяльна я: даю грошы зборшчыкам ахвяраванняў пад час Імшы, кідаю грошы ў скарбонку ў касцёле ў іншы час, перадаю грошы асабіста ў сакрыстыі. Калі я ўдзельнічаю ў абрадах, я раблю гэта не з інтэнцыяй матэрыяльнай дапамогі парафіі, - адказалі на каментар. А як лічыце вы?
Media
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Не фэйкі і не хакеры: «Радыё Марыя» працягвае збор і тлумачыць непаразуменні
- Без цуду, але з падтрымкай: як «Радыё Марыя» выходзіць з цяжкай сітуацыі