Арганістаў запрашаюць на заняткі ў Баранавічах і Мядзведзічах
- Written by KATOLIK.LIFE
- Published in Царква
- Add new comment
Пасля школы літургічных арганістаў адбудзецца майстар-класс для акадэмічных арганістаў
Касцёльных арганістаў запрашаюць у школу літургічнай музыкі ў Баранавічах, а акадэмічных арганістаў - на новыя майстар-класы у Мядзведзічах. З 18 па 20 верасня ў Баранавічах на базе рэкалекцыйнага дома Святой Троіцы парафіі Божай Міласэрнасці і Маці Божай Вастрабрамскай (Брэсцкая вобл., г. Баранавічы, вул. Шаўчэнкі, 6) адбудзецца трохдзённы курс па літургічнай музыцы для касцёльных арганістаў.
Настаўнікамі курса выступяць: ксёндз Павел Гедройць - пробашч парафіі ў Галынцы (Гродзенская дыяцэзія), выкладчык Вышэйшай духоўнай семінарыі (Гродна), магістр музыкалогіі; Даніэль Прайзнер - галоўны арганіст у касцёле бл. Анэлі Салявы ў Кракаве, намеснік дырэктара Міжнавучальнага інстытута касцёльнай музыкі (Польшча), аўтар ідэі і стваральнік праграмнай і арганізацыйнай канцэпцыі Салезіянскай школы арганістаў у Пшэмыслі, дацэнт Акадэміі музыкі ў Кракаве, канцэртуючы арганіст, лаўрэат міжнародных конкурсаў.
Заняткі пабудаваны па прынцыпе модульнасці. Пачатак заняткаў 18 верасня (пятніца) у 14:00. Прадугледжана магчымасць частковага удзелу (не ва ўсе дні школы). Для удзельнікаў - магчымасць пражывання і харчавання.
Пасля школы літургічных арганістаў з 21 па 22 верасня адбудзецца майстар-класс Даніэля Прайзнера для акадэмічных арганістаў ў касцёле святых Пятра і Паўла ў вёсцы Мядзведзічы (Ляхавіцкі раён).
Запіс па адрасе argany@tut.by
Media
Related items
- Дыскатэкай на ўсю вуліцу адзначаюць на Гродзеншчыне... Першую Камунію ў дзяцей
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын
- Песня з хрысціянскімі матывамі ад Украіны заняла трэцяе месца на Еўрабачанні