Пасол Ватыкана і Мітрапаліт Мінска-Магілёўскі памаліліся ў Курапатах
- Written by KATOLIK.LIFE
- Published in Царква
- Add new comment
Набажэнствы за нявінна забітых, а таксама малітвы на могілках католікі ладзяць 1-2 лістапада
У Дзень усіх святых, 1 лістапада, калі католікі традыцыйна наведваюць могілкі і моляцца за памерлых, нядаўна прызначаны Мітрапаліт Мінска-Магілёўскі арцыбіскуп Юзаф Станеўскі наведаў Курапаты. Там ён памаліўся разам з Апостальскім Нунцыем у Беларусі арцыбіскупам Антэ Ёзічам.
Нагадаем, арцыбіскуп Тадэвуш Кандрусевіч звычайна ў гэты штогадовы перыяд асаблівых малітваў за памерлых таксама наведваў Курапаты. Гэта ўрочышча пад Мінскам, дзе былі расстраляныя шматлікія ахвяры камуністычнага тэрору. Месца, дзе дагэтуль ляжаць астанкі рэпрэсаваных, арцыбіскуп Кандрусевіч называў «Галгофай нашага народу».
Таксама каталіцкае духавенства традыцыйна моліцца ў Трасцянцы - гэта найбуйнейшы лагер смерці на тэрыторыі Беларусі і акупаваных раёнаў СССР, створаны гітлераўцамі ў наваколлях Мінска. У Трасцянцы знішчаліся мірныя жыхары, ваеннапалонныя з СССР, а таксама грамадзяне Польшчы, Аўстрыі, Германіі, Чэхаславакіі.
У іншых гарадах Беларусі, у прыватнасці, у Гомелі католікі таксама ладзяць традыцыйныя набажэнствы на месцы пахаванняў нявінна забітых ахвяраў рэпрэсій. А 1 лістапада ў Гомелі памаліліся на Навабеліцкіх могілках, дзе пахаваныя святары.
Media
Related items
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная