Арцыбіскупу Кандрусевічу паспяхова зроблена аперацыя па выдаленні пухліны
- Written by KATOLIK.LIFE
- Published in Царква
- Add new comment
Пра свой стан заслужаны каталіцкі іерарх распавёў сам і падзякаваў за малітву.
Арцыбіскупу эмэрыту Тадэвушу Кандрусевічу была зроблена аперацыя па выдаленні пухліны. Як стала вядома 10 лютага, хірургічнае ўмяшальніцтва адбылося 8 лютага і прайшло паспяхова. 77-гадовы заслужаны каталіцкі іерарх адчувае сябе добра – пра гэта ён сам распавёў па тэлефоне, паведамляе Catholic.by.
Былы Мітрапаліт Мінска-Магілёўскі цяпер праходзіць пасляаперацыйную рэабілітацыю. Напярэдадні арцыбіскуп Юзаф Станеўскі разам з біскупамі звяртаўся да вернікаў з просьбай аб малітве за здароўе заслужанага іерарха, медыкаў і паспяховай аперацыі.
У сваю чаргу арцыбіскуп Тадэвуш Кандрусевіч падзякаваў лекарам і ўсім, хто моліцца ў інтэнцыі яго хутчэйшага выздараўлення, а таксама адзначыў, што неўзабаве спадзяецца працягнуць служэнне Богу і людзям з новымі сіламі:
«Напярэдадні Сусветнага дня хворага, які адзначаецца 11 лютага, малітоўна яднаюся з усімі хворымі. Няхай Маці Божая з Люрда сваім заступніцтвам нас умацоўвае і выпрошвае ласку здароўя для душы і для цела».
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Такі падарунак – толькі ад байкераў. Мотасезон яны адкрылі ў касцёле
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу