Не гуляць на тэлефоне, маліцца за спыненне вайны. Якія пастановы зрабіла моладзь на Вялікі пост

Люты 26, 2023
Written by KATOLIK.LIFE
Published in Царква
Comments (1)

Магчыма, гэта прыклады дапамогуць тым, хто яшчэ не абраў сваю пастанову, – каб больш плённа перажываць гэты асаблівы час.

На час Вялікага посту многія вернікі прымаюць канкрэтныя пастановы: што абяцаюць рабіць на працягу гэтых асаблівых 40 дзён, каб навяртацца да Бога, або што ахвяраваць Яму. Мінская парафія святога Сымона і святой Алены апублікавала ў сваім Instagram сторыс з пастановамі на Вялікі пост сваіх падпісчыкаў. Мяркуючы па стылістыцы, асноўная частка паведамленняў – ад моладзі. Прыводзім прыклады – якія пастановы на Вялікі пост абралі маладыя католікі.

– Не есці мучнога і мяснога, ні на каго не крыўдзіцца
– Кожны дзень маліцца да святога Юзафа
– Рабіць людзям толькі дабро
– Па пятніцах – на хлебе і вадзе, а рэшта посту без мяса + чытанне Божага Слова
– Устрыманасць у ежы, чытанне Святога Пісання кожны дзень
– Быць цярплівай і маліцца кожны дзень у інтэнцыі спынення вайны
– Літанія да Найдаражэйшай Крыві Пана Езуса аб спыненні вайны ва Украіне
– У сераду і пятніцу без мяса. Не гуляць на тэлефоне
– Спыніць усялякае асуджэнне і змагацца з лаянкавай гаворкай
– Маліцца за непрыяцеляў
– Больш маліцца і не быць лянівай. Не піць алкаголь, не слухаць музыку, не танчыць
– Быць больш пяшчотнай да блізкіх
– Не асуджаць
– Крыжовы шлях кожны тыдзень
– Кожную пятніцу хадзіць на святую Імшу і на Крыжовы шлях

Магчыма, гэта прыклады дапамогуць тым, хто яшчэ не абраў сваю пастанову, – каб больш плённа перажываць гэты асаблівы час Вялікага посту, каб ён не прайшоў упустую.