«Вось праўдзівая вера». Біскуп распавёў пра сваю 90-гадовую бабулю і маці
- Written by KATOLIK.LIFE
- Published in Царква
- Add new comment
Біскуп Аляксандр Яшэўскі апублікаваў спеў бабулі Крыстыны, які «падслухаў і запісаў на памяць».
Генеральны вікарый Мінска-Магілёўскай архідыяцэзіі біскуп Аляксандр Яшэўскі ў Instagram распавёў пра сваю бабулю Крыстыну, якой споўнілася 90 гадоў, і апублікаваў запіс яе спеву.
«Яна ўжо некалькі гадоў як аслепла. Матуля забрала бабулю да сябе і аддана яе даглядае. Кожны дзень бабуля спявае касцёльныя спевы адпаведна літургічнага перыяду», – напісаў біскуп і выклаў спеў Велікоднага перыяду, які «падслухаў і запісаў на памяць».
Раней у інтэрв'ю часопісу «Дыялог» іерарх распавядаў, што бабуля Крыстына аказала на яго ў дзяцінстве вялікі ўплыў і дапамагала рэлігійнаму выхаванню:
«Яна вяла мяне да сваёй матулі – маёй прабабулі Стэфаніі, і тая вучыла мяне катэхізісу і малітвам на польскай мове, а пасля сама дома дадаткова ўпэўнівалася, ці добра навучыўся і ці ўсё зразумеў. Цэлы месяц, дзень пры дні, рыхтавала да Першай святой Камуніі».
Таксама біскуп узгадваў, як пасля Першай Камуніі бабуля Крыстына сказала яму пасля вяртання дадому зайсці апошнім і прывітацца, як сталы хрысціянін: «Памятаю, як паважна сказаў усім «Пахвалёны Езус Хрыстус!», ужо добра ўсведамляючы, што, атрымаўшы Цела Хрыста, патрэбна вітацца, праслаўляючы Айца Нябеснага».
Media
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Штосьці незвычайнае зладзілі ў мінскім касцёле: набажэнства спалучылі з перфомансам
- Opus Dei адказаў на абвінавачванні FT у «эксплуатацыі»