Беларус шукае і перадае ва Украіну ахоўныя медальёны. За 9 гадоў – амаль 190 тысяч
- Written by KATOLIK.LIFE
- Published in Царква
- Add new comment
Валанцёры бясплатна раздаюць медальёны з выявай Божай Маці і святога Міхала Арханёла ўсім жадаючым. У першую чаргу – вайскоўцам і ўсім, чыё жыццё знаходзіцца пад пагрозай.
Незвычайным місіянерствам займаецца адзін з каталіцкіх вернікаў Беларусі. З пачатку вайны на ўсходзе Украіны ў 2014 годзе ён пачаў арганізоўваць перадачу на Данбас «цудоўных медалікаў» з выявай Найсвяцейшай Панны Марыі. Увесь гэты час ён працягваў гэтую дзейнасць, а з пачаткам поўнамаштабнай расійскай вайсковай агрэсіі стаў арганізоўваць перадачу медальёнаў для ўсіх рэгіёнаў Украіны, дзе ідуць баявыя дзеянні.
Нядаўна беларус стаў перадаваць і іншыя асвячоныя медальёны – з выявай украінскай цудатворнай іконы Божай Маці з Зарваніцы і святога Міхаіла Арханёла. За ўсе гады вайны вернік арганізаваў перадачу ўжо амаль 190 тысяч медальёнаў, з іх звыш 135 тысяч «цудоўных медалікаў», а таксама нелічаную колькасць абразкоў, ружанцаў і малітоўнікаў.
Беларус шукае іх, «выпрошвае», як правіла, у Польшчы, а таксама знаходзіць шляхі перадачы пасылак, валанцёраў ва Украіне, якія бясплатна раздаюць ахоўныя медальёны ўсім ахвотным. У першую чаргу – вайскоўцам і ўсім, чыё жыццё знаходзіцца пад пагрозай.
Медальёны называюць «нябесным сродкам індывідуальнай і калектыўнай абароны», ён засцерагае «ад усяго злога, нядобрага і нячыстага».
Нярэдка прыходзяць водгукі тых, хто ўзяў медальён і цудоўным чынам пазбег гібелі. «Нешта падштурхнула пераставіць машыну ў іншае месца, і раптам туды, дзе яна стаяла, здарыўся прылёт. Цудам жывы застаўся», – перадалі валанцёры словы мясцовага жыхара.
«Сёння мой муж, дзякуючы Госпаду, жывы застаўся!», – распавядала жонка афіцэра, які знаходзіцца на перадавой і напярэдадні атрымаў медальён.
Media
Related items
- 9 траўня ў дзень Унебаўшэсця Пана католікі моляцца аб супакоі на зямлі
- Манах з Гудагая зрабіў арэлі для парафіі ў Мінску
- Ватыкан не паведамляў аб адмове Папы Рымскага ад удзелу ў мірным саміце па Украіне
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы