Партрэт арцыбіскупа Кандрусевіча, які пішуць у анлайн-рэжыме, амаль гатовы

Лістапад 23, 2023
Written by KATOLIK.LIFE
Published in Царква
Add new comment

Падарунак ганароваму беларускаму іерарху маюць намер уручыць у ягоны Дзень нараджэння.

Мастачка Святлана Шэндрык з расійскага Новасібірска завяршае працу над стварэннем партрэта беларускага арцыбіскупа эмерыта Тадэвуша Кандрусевіча – былога Мітрапаліта Мінска-Магілёўскага. Каталіцкі іерарх адзначыць 78-годдзе 3 студзеня – да гэтай даты ствараецца карціна.

Нагадаем, як распавядала мастачка, аб напісанні партрэта алеем на палатне яе папрасіў пробашч архікатэдральнага касцёла ў Мінску ксёндз Дзмітрый Пухальскі.

З першага ж дня Святлана пачала весці своеасаблівы дзённік па стварэнні карціны і паказваць працэс на фота і відэа з апісаннем дэталяў – па сутнасці, мастачка стварае падарунак у анлайн-рэжыме. На працу сышло ўжо 22 дні.