Мільён праглядаў у TikTok! Папулярны кантэнт стварае каталіцкі хор з Ліды

Сакавік 10, 2024
Written by KATOLIK.LIFE
Published in Царква
Add new comment

Калектыў выкладвае не толькі песні, але і крэатыўныя ролікі на тэму этыкету ў храме, бліц-апытанкі, адказы святара. Праўда, аўтараў часам крытыкуюць у каментарах, і вось за што.

Працягваем знаходзіць годныя ўвагі актыўнасці хрысціянскіх вернікаў у Інтэрнэце і гэтым разам знаёмім з хрысціянскім хорам дзяцей і моладзі Singing Sercem («Спяваючыя сэрцам»). Калектыў мае старонкі ў YouTube і Instagram, але найбольшай папулярнасцю карыстаюцца відэа хору ў TikTok.

Адзін з ролікаў калектыву набраў звыш 1 мільёна праглядаў! Верагодна, гэта рэкорд для хрысціянскага кантэнту з Беларусі на гэтай платформе.

Singing Sercem – гэта хор з горада Ліды. Частку песень дзеці выконваюць па-польску – дзякуючы гэтаму сярод гледачоў шмат палякаў, што дадае папулярнасці ролікам. Апроч песень калектыў выкладвае крэатыўныя відэа на тэму этыкету ў касцёле – ролікі створаны дзецьмі і разлічаны на дзяцей і іх бацькоў (прыклады глядзіце ніжэй).

Акрамя таго, на наіўныя пытанні юнага вядоўцы адказвае пробашч парафіі Божай Міласэрнасці ксёндз Андрэй Зноска. Таксама выходзяць ролікі з бліц-апытанкамі ў рубрыцы «З Сашай».

Відэа актыўна каментуюць, пры гэтым многія выказваюць пажаданні, каб замест польскай і рускай моваў аўтары часцей выкарыстоўвалі беларускую.

Наш канал в Telegram – только интересное и важное. Подписаться >

Media

@singing_sercem Молитва ?? . Niechaj będzie pochwalony Przenajświętszy Sakrament teraz i zawsze, i na wieki wieków. Amen. /3x . Нехай бэндзе похвалёны Пшэнайсвентшы Сакрамэнт тэраз и завшэ, и на веки векув. Амэн. /3х . #этикетвкостеле #singingsercem #католики ♬ original sound - Singing Sercem