«Перажывае пустыню». Што вядома пра святара з Шуміліна, які ўжо тры месяцы за кратамі
- Written by KATOLIK.LIFE
- Published in Царква
- Add new comment
«Адчувае, што малітвы да яго даходзяць нават праз сцены СІЗА, яго радкі прасякнуты верай і надзеяй», – гавораць вернікі.
Амаль месяц мінуў з таго часу, як пробашч каталіцкай парафіі Маці Божай Фацімскай у Шуміліне ксёндз Анджэй Юхневіч быў змешчаны ў СІЗА пасля 55 сутак, праведзеных у ізалятары часовага ўтрымання. Сутнасць абвінавачвання і нават крымінальны артыкул, які інкрымінуюць святару, па-ранейшаму не вядомыя – ніякай афіцыйнай інфармацыі аб справе пробашча няма.
Аднак мы даведаліся, што ксёндз Анджэй трымаецца ў добрым духу і адказвае на кожны ліст вернікаў. У сваіх лістах ён цікавіцца справамі парафіянаў, піша «з вялікім клопатам да кожнай сям’і, пра ўсіх распытвае, просіць клапаціцца і прыняць святара, які замяняе яго ў парафіі», распавялі вернікі:
«Ён вельмі цешыцца, калі яму прыносяць лісты. Піша, што перажывае пустыню, але нашыя малітвы да яго даходзяць нават праз краты і сцены. Просіць і надалей маліцца. Вельмі рады, што мае Біблію і Псальмы. Яго радкі прасякнуты верай і надзеяй».
Ксёндз Анджэй адзначае, што ў СІЗА яму лягчэй, чым у ІЧУ, бо мае тут магчымасць умацоўвацца Божым Словам.
Што тычыцца стану «духоўнай пустыні», то святар мае надзею, што гэты «момант душы ў «альтэрнатыўным свеце» не пройдзе ўпустую».
Наш канал в Telegram – только интересное и важное. Подписаться >
Related items
-
Незвычайна пачалі месяц малітвы Ружанца ў Гудагаі
-
Нунцыю і біскупу не дазволілі сустрэцца са зняволенымі святарамі
-
Упершыню новы пробашч у Будславе звярнуўся да вернікаў
-
У Будславе і Барысаве прадставілі новых пробашчаў
-
«Спынілася сэрца, знайшлі ля касцёла». Малады ксёндз раптоўна памёр у Гродзенскай вобласці