Папа зноў заклікаў да міру ва Украіне і Цэнтральна-Афрыканскай рэспубліцы
- Written by katolik-gomel.by
- Published in Царква
- Add new comment
Папа Францішак звярнуўся з заклікам аб міры ва Украіне і ў Цэнтральна – Афрыканскай Рэспубліцы.
1 чэрвеня 2014 г. пасля нядзельнай малітвы “Regina Caeli” на плошчы св. Пятра Пантыфік пажадаў даверыць вырашэнне драматычнага канфлікту ў гэтых краінах матчынаму заступніцтву Найсвяцейшай Панны Марыі, Каралевы Міру. “З засмучаным сэрцам я малюся за ахвяраў напружанняў, якія надалей працягваюцца ў некаторых рэгіёнах Украіны, а таксама ў Цэнтральна - Афрыканскай Рэспубліцы.
Я аднаўляю мой рашучы заклік да ўсіх бакоў, якія прымаюць у ім удзел, каб пераадолелі непаразуменні і цярпліва імкнуліся да дыялога і прымірэння”,- сказаў Папа. Гэта не першы, за апошнія месяцы, заклік папы Францішка да мірнага вырашэння палітычнага крызісу і канфлікту ва Украіне.