Як праходзіць рамонт Чырвонага касцёла ў Мінску, манітораць вернікі

Жнівень 15, 2025
Written by KATOLIK.LIFE
Published in Царква
Add new comment

Стала вядома, што ў памяшканнях храма яшчэ засталіся некаторыя абразы і іншыя рэлігійныя прадметы.

Некаторыя вернікі парафіі святога Сымона і святой Алены (Чырвонага касцёла ў Мінску) імкнуцца, наколькі гэта магчыма, весці маніторынг ходу работ па рэканструкцыі храма. Вернікі адзначаюць, што яны неабыякавыя да лёсу касцёла, таму яны перыядычна падыходзяць да храма і назіраюць, як ідуць працы.

Таксама вернікам стала вядома, што ў памяшканнях касцёла яшчэ засталіся некаторыя абразы і іншыя рэлігійныя прадметы – парафіяне непакояцца, каб яны не былі пашкоджаны пры правядзенні будаўнічых работ.

Як мы паведамлялі раней, «Мінскпрамбуд» па замове дзяржпрадпрыемства «Мінская спадчына», уласніка храма, пачаў рэканструкцыю Чырвонага касцёла ў чэрвені 2025 года. У будаўніцтве задзейнічаны, у тым ліку, рабочыя з Азіі. Пры выкананні плана, рамонт павінен быць завершаны да 31 студзеня 2027 года.