Незвычайна пачалі месяц малітвы Ружанца ў Гудагаі

Кастрычнік 1, 2025
Written by KATOLIK.LIFE
Published in Царква
Add new comment

Тут традыцыйна праводзяць набажэнства з благаслаўленнем пялёсткаў руж.

У каталіцкім санктуарыі Маці Божай Шкаплернай у Гудагаі 1 кастрычніка традыцыйна праводзяць незвычайнае набажэнства з благаслаўленнем пялёсткаў руж. Гэта адбываецца ў гонар святой Тэрэзы ад Дзіцяткі Езуса, успамін якой прыходзіцца на гэты дзень.

Гэта вядомая святая была кармэліткай – як і манахіні, якія служаць у Гудагаі.

«Яна абяцала: "Буду пасылаць дождж руж з неба". Гэтыя пялёсткі – знак даверу, малітвы і адкрытасці на Божую ласку, якую святая Тэрэза выпрошвае для кожнага з нас», – патлумачылі на старонцы парафіі.

Як раз 1 кастрычніка ў Каталіцкай царкве пачынаецца месяц малітвы Ружанца – гэта сімвалічны вянок з руж, у які складаюцца малітвы і які вернікі дораць Панне Марыі. Навошта і як католікі моляцца Ружанцам і якую моц мае гэта малітва – чытайце падрабязна тут >