Беларусь «не павінна адчуваць сябе ізаляванай, адкінутай» – Папскі пасланнік

Кастрычнік 26, 2025
Written by KATOLIK.LIFE
Published in Царква
Add new comment

Кардынал Клаўдыё Гуджэроці звярнуўся да моладзі ў Брэсце.

Спецыяльны Пасланнік Папы Рымскага на ўрачыстасцях 100-годдзя Пінскай дыяцэзіі кардынал Клаўдыё Гуджэроці 26 кастрычніка наведаў Юбілей моладзі ў Брэсце. У касцёле Узвышэння Святога Крыжа ён прамовіў вельмі светлую і натхняльную катэхезу для моладзі, а пазней – гамілію падчас святой Імшы.

Ватыканскі іерарх пажадаў:

«Няхай Пан Бог, якому вас даручаю, апякуецца вамі, вас благаслаўляе, дае сілу жыць надзеяй».

Ён папрасіў моладзь «занесці благаслаўленне» ад імя Папы Льва XIV усім, хто чакае падтрымкі, суцяшэння, надзеі:

«Не толькі людзям, але таксама ўсёй краіне, якая не павінна адчуваць сябе ізаляванай, адкінутай, забытай усімі. Бог любіць усіх і жадае, каб усе жылі ў радасці і шчасці. Гэта таксама пажаданне католікаў усяго свету, скіраванае да вас».

Кардынал папрасіў маліцца за Папу, за мір і згоду ва ўсім свеце.