Рэдкі выпадак: у раённай лякарні адкрылі каталіцкую капліцу – як яна выглядае

Лістапад 28, 2025
Written by KATOLIK.LIFE
Published in Царква
Add new comment

Яна зроблена на ахвяраванні вернікаў і сіламі мясцовай парафіі.

У Смаргонскай цэнтральнай раённай бальніцы з'явілася каталіцкая капліца. 29 лістапада тут пройдзе першая святая Імша. Капліца зроблена на ахвяраванні вернікаў і сіламі парафіі святога Арханёла Міхала.

Як мы паведамлялі, збор ахвяраванняў і працы пачаліся ў ліпені 2025 года. Капліца мае тытул абраза Маці Божай Барунскай, Суцяшальніцы Засмучаных – гэта адзін з найбольш шанаваных у Беларусі абразоў, які знаходзіцца ў касцёле ў вёсцы Баруны. Смаргонская парафія паказала, як выглядае капліца.

У Беларусі ў многіх лякарнях ёсць праваслаўныя капліцы, у некаторых – малельныя пакоі, якімі карыстаюцца вернікі розных канфесій, а наяўнасць менавіта каталіцкай капліцы ў дзяржаўнай медустанове – рэдкасць для Беларусі. Такія капліцы шырока распаўсюджаныя ў Польшчы і іншых каталіцкіх краінах.