Выпускнікі прыйшлі ў касцёлы, каб падзякаваць Богу і папрасіць дабраславення

Май 23, 2026
Written by KATOLIK.LIFE
Published in Царква
Add new comment

Таксама выпускнікі часта збіраюцца на малітву ў касцёлах падчас выпускных вечароў.

У многіх каталіцкіх парафіях Беларусі, пераважна, у заходняй частцы краіны, 23 траўня пасля апошніх званкоў у школах адбыліся святыя Імшы і набажэнствы ў інтэнцыях выпускнікоў.

Першыя здымкі з такой малітвы апублікавала парафія ў Гудагаі. Тут выпускнікі мясцовай сярэдняй школы ў санктуарыі Маці Божай Гудагайскай разам з роднымі і настаўнікамі дзякавалі Богу за час вучобы і прасілі дабраславення на далейшы жыццёвы шлях.

У Гудагаі, Мядзелі, Глыбокім, Шчучыне, Іўі ды іншых парафіях – асабліва ў невялікіх населеных пунктах – такая малітва з'яўляецца традыцыйнай і адбываецца ўжо шмат гадоў.

Многія маладыя людзі затым выязджаюць са сваіх родных месцаў, каб працягваць вучобу ў вялікіх гарадах і там далучаюцца да мясцовых каталіцкіх супольнасцяў.

Таксама выпускнікі часта збіраюцца на малітву ў касцёлах падчас выпускных вечароў – перад пачаткам Цэнтралізаваных экзаменаў.