BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Згуртаванне моладзі з сацсеткі распачало рух малітвы за Беларусь у касцёлах краіны

Маладыя каталікі заклікаюць пробашчаў далучацца, а вернікаў - замаўляць Імшу ў такой інтэнцыі ў сваіх парафіях.

У некалькіх касцёлах Беларусі ў бліжэйшую нядзелю, 16 лістапада, падчас святой Імшы будуць маліцца аб навяртанні Беларусі і аб дары Божай любові да Беларусі. У такой інтэнцыі група маладых каталікоў зараз замаўляе Імшу ў беларускіх касцёлах. У прыватнасці, ужо вядома, што маліцца аб духоўным адраджэнні Беларусі будуць у Чырвоным касцёле Мінска, у Бараўлянах, у Баранавічах, у Гомелі.

Ініцыятыва зыходзіць ад нефармальнай групы моладзі, якая аб'ядналася ў сацыяльнай сетцы «Вконтакте» ў суполку пад назвай «Еднасць» - vk.com/ednasc.

- Беларусь - наш родны край, падараваны нам Богам як мейсца для праслаўлення Яго Святога Імя, для плённай працы на Яго хвалу і карысць кожнаму чалавеку, - гавораць стваральнікі групы. - Беларуская мова – скарб, пакінуты нам продкамі для праслаўлення Бога, вызнавання веры ў Яго, як у Адзінага Пана і Створцу, для выказу пашаны, годнасці і падзякі Нябеснаму Айцу і Ягоным дзецям - нашым братам і сёстрам. Езус Хрыстус - наш Міласэрны Збаўца, Адзінародны Сын Айца Спрадвечнага, бясконца добры і міласэрны Валадар нашай Радзімы і ўсяго свету.

Суполка ставіць мэтаю духоўнае вызваленне і адраджэнне Беларусі ўсімі дасяжнымі, магчымымі і немагчымымі для чалавека, але магчымымі для Бога спосабамі. А галоўнай задачай лічыць зарганізаванне усебеларускай малітвы за Айчыну, як першы крок на шляху адраджэння Беларусі.

Дарэчы, у нядаўна створаную ў сацсетцы суполку ўжо ўступілі каля 60 чалавек.

Last modified onПанядзелак, 10 Лістапад 2014 23:42
Каментары   
+1 #2 Літ 2014-11-15 20:54
Цытую Е.К.:
Месса - это хорошо, но почему бы молодежи не проводить личную молитву и пост за Беларусь, без какой-либо рекламы, в тишине?


Калі вы каталік(чка) і практыкуючы хрысціянін, то вы павінны ведаць, што святая імша - самая моцная і самая дзейсная малітва. А тое, што вы называеце рэкламай у хрысціянаў называецца сведчаннем.
Цытаваць | Паведаміць мадэратару
0 #1 Е.К. 2014-11-15 17:14
Месса - это хорошо, но почему бы молодежи не проводить личную молитву и пост за Беларусь, без какой-либо рекламы, в тишине?
Цытаваць | Паведаміць мадэратару
Дадаць каментарый

Ахоўны код
Абнавіць