ФОТА: Сакрамэнты хросту і шлюбу ў гомельскім касцёле
- Written by katolik-gomel.by
- Published in Навіны - Гомель
- Comments (2)
«Хрысціяне ствараюць сям'ю не для таго, каб жыць для сябе, а каб у шлюбе працягваць служыць Богу».
У нядзеля 1 лютага, у гомельскай рыма-каталіцкай царкве адна маладая пара - Аляксандр і Юлія - брала шлюб, а іншыя маладыя сужэнцы - Іван і Вераніка - хрысцілі сваю другую дачку Алену.
- Пры хрышчэнні чалавек атрымлівае Духа Святога, а значыць, і ўсё неабходнае, каб весці хрысціянскі лад жыцця. Але хрост не вызваляе ад цягі да граху. Калі не прыходзім у храм, не сілкуемся Святой Камуніяй, не прыходзіць на споведзь - як можна весці хрысціянскі лад жыцця? Гэта немагчыма. Калі не слухаем Бога, значыць, слухаем дэмана, а дух нячысты гаворыць: ненавідзь, не маліся, не прабачай, - сказаў пробашч парафіі айцец Славамір падчас пропаведзі.
Кажучы пра сакрамэнт шлюбу, святар адзначыў:
- Хрысціяне ствараюць сям'ю не для таго, каб жыць для сябе, а каб у сям'і працягваць служыць Богу, каб у шлюбе з'яўляліся справы Божыя - дзеці. У хрысціянскіх сем'ях дзеці нараджаюцца не з разліку, не дзеля бясплатнай кватэры, а па любові. І калі Бог дае, то чаму не пяць, чаму не сем дзяцей? Хто сказаў, што двух дзяцей дастаткова? Хто разумнейшы за Бога?
У той жа час дзеці і сям'я не павінны быць ідаламі:
- Мы не можам апраўдвацца тым, што не пайшлі на службу, таму што не было часу з-за сямейных спраў, - нагадаў святар.
Related items
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы
- З 7 дзецьмі пасля 25 сутак вядомы прапаведнік пакінуў Беларусь
- Беларусы даказваюць у судах «польскія карані» – з дапамогай веры
RSS-стужка каментароў гэтага запiсу