Гомельскія каталікі далучыліся да збору подпісаў пад зваротам да ўладаў
- Written by katolik-gomel.by
- Published in Навіны - Гомель
- Comments (1)
Вернікі лічаць, што стаўленне Леаніда Гуляка да Каталіцкай царквы - неаб'ектыўнае і прадузятае.
Подпісы пад адкрытым лістом прэзідэнту Беларусі збіраюць каталікі ў розных кутках Беларусі, у тым ліку ў Гомелі. У звароце гаворыцца пра тое, што «Каталіцкая царква ў Беларусі - гэта не Польскі Касцёл, а Беларускі»:
«Сёння Каталіцкая Царква ў Беларусі іграе важную ролю ў выхаванні дзяцей і моладзі, захаванні сямейных каштоўнасцяў, падтрымцы адзінокіх і пажылых людзей. Развіваецца і павялічваецца сацыяльная і дабрачынная дзейнасць».
У звароце сказана:
«Выказваем сваю занепакоенасць і незадаволенасць дзеяннямі некаторых чыноўнікаў, а менавіта Упаўнаважанага па справах рэлігій і нацыянальнасцяў пры Савеце Міністраў Беларусі Леаніда Гулякі. Мы лічым, што стаўленне спадара Гуляка да Касцёлу неаб'ектыўнае і прадузятае. Каталіцкая Царква - гэта не нейкая замежная арганізацыя, а мы - грамадзяне Беларусі».
У звароце падкрэсліваецца, што выступ Леаніда Гулякі 22 студзеня стаў «апошняй кропляй»:
«Мы не можам больш маўчаць. Гэта не што іншае, як крытыка без фактаў. Яна расцэньваецца намі як абраза вернікаў, нашых пастыраў і нашых рэлігійных пачуццяў. Мы лічым, што падобнымі выступамі Леанід Гуляка ўносіць разлад у адносінах Царквы і дзяржавы, нагнятае міжканфесійную варожасць».
Нагадаем, Каталіцкія біскупы Беларусі звярнуліся да Упаўнаважанага па справах рэлігій і нацыянальнасцяў Леаніда Гулякі з просьбай прадаставіць канкрэтныя факты пасля яго публічнай заявы пра тое, што некаторыя каталіцкія святары з Польшчы займаюцца ў Беларусі палітыкай і парушаюць законы.
Related items
- Над дамамі і храмамі: здымкамі яркага палярнага ззяння дзеляцца ў сетках
- Святары з Шуміліна застаюцца ў зняволенні, таксама арыштавана парафіянка
- Не Галівуд: беларускія святары запусцілі круты праект з асновай на рэальных фактах
- Прыехалі ў касцёл на трох машынах: на Віцебшчыне затрымалі двух святароў
- 9 траўня ў дзень Унебаўшэсця Пана католікі моляцца аб супакоі на зямлі
RSS-стужка каментароў гэтага запiсу