Вялікапосныя рэкалекцыі ў гомельскім касцёле праводзіць блогер Андрэй Рылка
- Written by gomel.catholic.by
- Published in Навіны - Гомель
- Comments (2)
Духоўныя практыкаванні штогод ладзяцца ў перыяд Вялікага посту, каб дапамагаючы вернікам рыхтавацца да святкавання Вялікадня.
17 сакавіка ў гомельскай рыма-каталіцкай царкве пачынаюцца Вялікапосныя духоўныя практыкаванні. Правядзе іх ужо вядомы ў гомельскай парафіі святар - намеснік дырэктара катэхетычнага каледжа імя Зыгмунта Лазінскага ў Баранавічах айцец Андрэй Рылка. Таксама айцец Андрэй - актыўны хрысціянскі блогер, а нядаўна ён быў прызначаны галоўным адказным за душпастырства моладзі ў Пінскай дыяцэзіі.
Вялікапосныя рэкалекцыі айцец Андрэй ужо праводзіў у Гомелі ў 2011 годзе. А ў мінулым годзе прыязджаў у абласны цэнтр, каб сустрэцца з парафіяльнай моладдзю.
Слова «рэкалекцыі» у перакладзе з лацінскай мовы азначае «зноў збіраць нешта раскіданае». Духоўныя практыкаванні штогод ладзяцца ў перыяд Вялікага посту, каб дапамагчы вернікам рыхтавацца да святкавання Вялікадня, даюць ўбачыць, што трэба змяніць у жыцці. Таксама рэкалекцыі раскрываюць сакрэт Літургіі пакаяння, даючы магчымасць змагацца са сваімі слабасцямі, абапіраючыся на Госпада.
Рэкалекцыі будуць праходзіць падчас Святой Імшы. Расклад духоўных практыкаванняў будзе апублікаваны ў парафіяльных аб'явах.
Related items
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Флэшмоб This is Belarus сабраў 100 тысяч фота і відэа – таксама з Будслава
- З паходнямі і ў касцюмах: вуліцамі гарадоў Беларусі правялі Крыжовы шлях
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
RSS-стужка каментароў гэтага запiсу