Больш за 200 гомельцаў адправяцца на сусветныя дні моладзі

Сусветныя дні моладзі пройдуць у польскім Кракаве ў ліпені 2016 года, але ўжо цяпер вядзецца арганізацыя форуму. Католікі з Беларусі таксама будуць прымаць удзел у сустрэчы, у тым ліку з Гомеля. Як мяркуецца, з абласнога цэнтра ў Кракаў адправяцца больш за 200 чалавек на некалькіх аўтобусах.

Старт Сусветным дням моладзі быў дадзены ў 1985 г. св. Янам Паўлам II. Апошняя такога роду сустрэча прайшла пры ўдзеле папы Францішка ў 2013 г. у Рыа-дэ-Жанейра. У ёй прынялі ўдзел каля 3,5 млн. чалавек. У Кракаве, у ліпені 2016 г., чакаецца каля 2 млн. удзельнікаў.

Дарэчы, удзельнікам Сусветных дзён моладзі спросцяць працэдуру атрымання віз.