Дзеці паказалі Калядны спектакль у касцёле, а цымбалісты далі дабрачынны канцэрт [ФОТА]

Студзень 3, 2016
Written by katolik-gomel.by
Published in Навіны - Гомель
Add new comment

Праз просты сюжэт дзеці распавялі, як да чалавека прыходзіць Ісус Хрыстос.

У другую нядзелю пасля Раства ў гомельскай рыма-каталіцкай царкве дзеці паказалі Калядны спектакль, які ім дапамаглі падрыхтаваць сёстры Маці Тэрэзы. Дзеці спявалі, танчылі, а таксама распавялі праз просты сюжэт, як да чалавека прыходзіць Ісус Хрыстос - праз патрабуючых, тых, хто звяртаецца па дапамогу. Менавіта ў справах міласэрнасці можна сустрэць Самога Бога.

Таксама 3 студзеня ў 19.30 у касцёле прайшоў бясплатны дабрачынны канцэрт у падтрымку Дзіцячай вёскі (Гомельскага дома-інтэрната для дзяцей-інвалідаў і маладых інвалідаў з асаблівасцямі псіха-фізічнага развіцця). Канцэрт далі лаўрэаты міжнародных конкурсаў Ірына, Лізавета і Святаслаў Марозавы (цымбалы, фартэпіяна), а таксама Таццяна Купрэева і Марына Раўкоўская (фартэпіяна). Ад слухачоў віталіся ахвяраванні, якія будуць перададзеныя ў Дзіцячую вёску.