Сімфанічны аркестр дасць бясплатны Калядны канцэрт у касцёле. Упершыню з арганам!
- Written by katolik-gomel.by
- Published in Навіны - Гомель
- Add new comment
Сярод салістаў прагучаць таксама флейта і банданеон.
30 снежня ў 19:30 у гомельскім касцёле (вул. Савецкая, 118) па добрай традыцыі пройдзе Калядны канцэрт класічнай музыкі. Як заўсёды, уваход - вольны. У канцэрце прымаюць удзел артысты Гомельскага сімфанічнага аркестра. Салісты: лаўрэат міжнародных конкурсаў Віталь Фамін (арган), лаўрэат міжнародных конкурсаў Андрэй Глазенкоў (банданеон), лаўрэат міжнародных конкурсаў Аляксандр Рэвенок (флейта), Вольга Кузьменка (вакал). У праграме - творы Сальеры, Моцарта, Штраўса і іншых кампазітараў.
Нагадаем, на Каляды і Вялікдзень традыцыйна ў гомельскім касцёле праходзяць канцэрты класічнай музыкі, якія бясплатна ладзіць Таццяна Томсан і яе сябры. Кожны раз выступленні праходзяць пры поўным аншлагу.
Але ўпершыню на канцэрце ў касцёле прагучыць арган. Новы інструмент - праўда, не механічны, а электронны, затое сучасны, магутны і ад аднаго з вядучых вытворцаў - нядаўна ўсталявалі ў храме.
Related items
-
«Каб ніхто не меў права паглядзець?» Экс-пробашч Чырвонага касцёла выступіў са зваротам
-
Ніхто не прыйшоў на Імшу ў катэдры Магілёва. Святар выказаў свае пачуцці, а вернікі далі яму парады
-
Толькі адзін касцёл у Беларусі будуць рэстаўраваць сёлета за кошт рэспубліканскага бюджэту. І гэта не Будслаў
-
Як трэба калядаваць, паказалі ў Гродзенскай вобласці: там правялі абрад «Тры каралі»
-
Да адкрыцця Чырвонага касцёла ў Мінску застаўся адзін год. Але яго будучыня застаецца цьмянай