Гомельскія сужэнцы бралі шлюб і хрысцілі дачку ў адзін дзень
- Written by katolik-gomel.by
- Published in Навіны - Гомель
- Comments (1)
«Калі разам з пакутамі і праблемамі праходзіць любоў чалавечая, Хрыстос дае сужэнцам Сваю вечную любоў».
Аляксандр і Наталля Шышыны ўжо не першы год у шлюбе, але цяпер вырашылі заключыць яго на Нябёсах і заклікаць Хрыста стаць памочнікам у іх сямейным жыцці. Адначасова з правядзеннем сакрамэнту шлюбу сужэнцы вырашылі і пахрысцілі сваю дачку Эльвіру-Анастасію.
- Чаму так шмат разводаў у апошні час? Таму што многія пары ня хочуць запрашаць у сваё жыццё Таго, Хто дае сапраўдную любоў - Бога. Бо калі прыходзяць праблемы і пакуты, сужэнцы пачынаюць раздражняць адзін аднаго, чалавечая любоў праходзіць. І мы сабраліся сёння, каб прасіць Хрыста быць у гэтай сям'і, даваць Сваю любоў, якая не мінае - бо Бог верны. А муж з жонкай, калі будуць верныя адзін аднаму, будуць верныя і Богу. У кожным чалавеку мы вучымся бачыць вобраз Хрыста, - наказваў айцец Дамінік, які здзяйсняў свой першы сакрамэнт шлюбу ў Гомелі.
А для маленькай Эльвіры-Анастасіі хрост стаў першым крокам да жыцця вечнага. Бо гэты сакрамэнт - не толькі прабачэнне першароднага граху, але гэта і брамы, праз якія чалавек уваходзіць у жывыя зносіны з Богам дзякуючы ласцы Духа Святога. Бацькі і хросныя дзяўчынкі паабяцалі выхоўваць дзіця ў веры, вучыць шукаць і выконваць у сваім жыцці Волю Божую, любіць Бога і бліжняга.
Related items
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Флэшмоб This is Belarus сабраў 100 тысяч фота і відэа – таксама з Будслава
RSS-стужка каментароў гэтага запiсу