Зацверджаны лагатып юбілею Гомеля: Калядная зорка і вышыванка
- Written by katolik.life
- Published in Навіны - Гомель
- Add new comment
875-годдзе горада адзначаць у верасні 2017 года.
Нацыянальны арнамент унеслі ў афармленне лагатыпа, прысвечанага 875-годдзю Гомеля, якое адзначаць у верасні 2017 года. Гарвыканкам прадставіў святочны лагатып, распрацаваны сумесна з гарадскім інфармацыйным цэнтрам і аформлены на рускай мове. Аднак на малюнку герб Гомеля размешчаны на фоне нацыянальных беларускіх узораў. Галоўным з іх стаў сімвал Каляднай (Віфлеемскай) зоркі, з якой у традыцыі беларусаў праходзіць Каляда на Божае нараджэнне.
Адзначаецца, што ўзоры пры афармленні лагатыпу былі запазычаныя ў знакамітага неглюбскага ручніка.
Дарэчы, юбілеі свайго заснавання хутка адзначаць і іншыя гарады Беларусі, напрыклад, Пінск, Брэст, Магілёў. Там мясцовыя ўлады праводзілі адкрытыя конкурсы святочных лагатыпаў. У большасці выпадкаў перамаглі карцінкі з сімвалічным малюнкам галоўных архітэктурных славутасцяў гарадоў.
Related items
- Як усміхаецца найстарэйшы іерарх Беларусі? Неафіцыйны рэпартаж з Янава
- У Беларусі прызнаны гісторыка-культурнай каштоўнасцю каталіцкі абрад «Тры каралі»
- Старадаўняя капліца згарэла на могілках у Смаргоні
- «Не сказалі нават біскупу». Даведаліся, на які тэрмін асудзілі святароў у Віцебску
- Песня з хрысціянскімі матывамі ад Украіны заняла трэцяе месца на Еўрабачанні