У гомельскім Доме міласэрнасці скаўты дапамагаюць карміць жабракоў і бяздомных
- Written by katolik-gomel.by
- Published in Навіны - Гомель
- Comments (4)
Сёстры ордэна Маці Тэрэзы заклікаюць усіх прыняць удзел у арганізацыі абедаў для бедных.
З гэтага тыдня гомельскія каталіцкія скаўты пачалі дапамагаць у арганізацыі бясплатных абедаў для жабракоў і бяздомных у Доме міласэрнасці. З просьбай арганізаваць дапамогу звярнуліся сёстры ордэна Маці Тэрэзы, якія раней сваімі сіламі спраўляліся з арганізацыяй абедаў, аднак цяпер з прычыны моцнай занятасці маюць патрэбу ў падтрымцы вернікаў царквы. Таму запрашаюць усіх жадаючых рабіць добрыя справы дапамагаць карміць бедных.
Абеды праходзяць кожны дзень у 15.00 акрамя чацвярга і нядзелі. Усіх, хто хоча ўдзельнічаць у арганізацыі харчавання для бедных, просяць прыходзіць у Дом міласэрнасці раней, прыкладна ў 14.00 – 14.30. Патрэбна дапамога ў раздачы абедаў, мыцці посуду, уборцы сталовай.
Нагадаем, адзіны ў Беларусі Дом міласэрнасці сясцёр ордэна Маці Тэрэзы (місіянерак любові) ужо каля 20 гадоў працуе ў Гомелі. Сёстры ордэна маці Тэрэзы ў Гомелі займаюцца многімі справамі, за якія мала хто хацеў брацца. Дом Міласэрнасці служыць прытулкам для некалькіх хворых мужчын і жанчын, якія апынуліся на вуліцы без сродкаў да існавання. Сёстры даглядаюць за імі, лечаць, дапамагаюць кінуць піць, аднавіць дакументы і ўладкавацца на працу. Місіянеркі рыхтуюць абед для бяздомных, раздаюць прадукты і адзенне для бедных сем'яў і адзінокіх старых, а ўлетку запрашаюць дзяцей з малазабяспечаных і праблемных сем'яў правесці «Канікулы з Богам» у дзіцячым лагеры. Па нядзелях дзеці прыходзяць на заняткі ў нядзельнай школе. Вернікі дапамагаюць карміць беднякоў, прыходзячы на працу ў сталовую. Дапамагчы можа кожны: напрыклад, раздаць ежу, памыць посуд, прынесці вопратку ці абутак.
Related items
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын
- «Зробім каталіцкае ТБ». Два моцныя YouTube-праекты запусцілі святары і манахіня
- Не Галівуд: беларускія святары запусцілі круты праект з асновай на рэальных фактах
RSS-стужка каментароў гэтага запiсу